郭柏姸 疫情期間參選港姐以季軍成績加入娛樂圈，之後就接拍唔少劇集機會不斷，好似《白色強人II》、《下流上車族》、《新聞女王》、《逆天奇案》同最近嘅《奪命提示》等等。
一直以大眼靚樣示人嘅Rosita，自港大食物安全管理碩士畢業，不過近日偏偏就突然遇上食物敏感，最嚴重時更腫到變矇豬眼，佢仲指因氣管收縮而一度呼吸困難，睇佢Post出嘅相都見到情況非常嚴重，Rosita寫道：
第一次咁嚴重的食物敏感😭 原本我以為食物中毒…依家暫時有大方向估到係咩食物令到敏感唔夠半個鐘隻眼腫晒 少少睇唔到嘢 氣管突然間收縮 抖唔到氣 流眼水、流鼻水 🥶 一個過山車晚上 sorry 嚇親媽媽了😭🙏🏻 令身邊嘅人擔心了🙏🏻🙏🏻而家打咗針 食左藥 冇事
出事前幾小時，佢先Post出近日品嘗過嘅唔同美食，既有開邊龍蝦又有唔同海鮮，加埋台式小食同梳扶厘，咁鍾意食嘢嘅佢，睇嚟真係要好好研究一下到底係咩引起過敏喇。
