以歌手出道嘅 黎芷珊 當年加入TVB後，1989年成為第15期藝員訓練班嘅旁聽生，估唔到成為藝訓班嘅同學仔情誼維持咗足足36年。最近芷珊姐姐喺社交平台貼出第15期藝員訓練班同學仔Reunion嘅相片，除咗有大家熟識嘅影帝 林家棟 同 黃德斌 之外，仲有當年《娛樂新聞眼》嘅主持 陳家碧 、鄭則士嘅太太 林燕明 、港姐 鄭維嘉 曾以動作演員拍電影嘅 杜兆津 等，連藝訓班嘅導師依家年屆95歲嘅高老師都有出席。
之前亦有網民曬出當年第15期藝員訓練班嘅同學合照，多位舊同學今次可惜仲未有現身聚會，好似 甄子丹 雷宇揚 劉錫明 等，唔少網民好奇甄子丹經已出道拍電影，點解會加入藝員訓練班，而子丹早前作客鄭裕玲嘅網上節目時曾透露，當年係自己提出要求上堂，因為以動作演員入影圈嘅佢對演戲零概念，希望上堂進修演技。
