陳庭欣 日前先主持完慈善騷《萬眾同心公益金》主持，以性感晚裝上陣大騷長腿，原來唔經唔覺Toby入行已近15年，身為2010年度香港小姐冠軍嘅Toby一直努力Keep住好身材，近日佢喺社交平台大騷滑水英姿，熱愛玩Wakesurf嘅佢，更一邊滑水，一邊玩呼拉圈。
為證明實力，仲先後完成咗兩次，第一轉扭咗7秒，第二轉仲扭足成20秒，腰力同核心力量驚人。Toby仲為呢招命名為「輕功水上圈」，係輕功水上飄嘅進化版。 除咗Toby驚人腰力令網友大讚之外，37歲嘅Toby歷久不衰嘅女神澎湃身材亦令網友們讚好。
Toby最近除咗主持大騷同《東張西望》之外﹐戲劇作品唔多，不過不時都會喺社交平台分享生活日常，佢同10億身家男友楊振源感情穩定，拍拖8年雖然暫未有婚訊傳出，但兩口子不時周遊列國，Toby又會為男友嘅生意撐場，十足十半個老闆娘一樣。
