阮經天同陳喬恩呢兩個名擺埋一齊，相信會勾起唔少觀眾經典台劇《命中注定我愛你》嘅片段，呢部2008年播出嘅劇集，霸道總裁愛上不起眼鄰家女孩嘅故事當年風靡一時，堪稱現象級台劇，包括內地、日本、韓國、泰國甚至柬埔寨都曾經翻拍。近日呢對經典螢幕CP相隔17年再度重聚，一齊拍攝內地綜藝節目《你好時光》，即刻掀起一陣回憶殺。
製作組安排二人喺雨中擔同一把遮漫步，阮經天將遮往陳喬恩方向傾斜，重現當年劇中紀存希守護陳欣怡嘅細節。46歲嘅陳喬恩著住牛仔短褲，仍然好有少女feel，42歲嘅阮經天同樣著短褲襯波鞋，少年感十足，歲月並冇喺二人身上留低太多痕跡。
而阮經天亦有喺社交平台分享同陳喬恩嘅同框合照，以「謝謝我們都沒變，謝謝我們依然在跳舞」兩句話表達心情。當年嘅劇迷紛紛敲碗，希望二人可以再度合作。
