陳山聰 、 阮浩棕Nicholas 同 陳方藤Meter 主持嘅《人生美食地圖 東京篇》，佢哋三人同節目組相約食飯慰勞台前幕，兼一齊睇節目。山聰一落機就會合大家，今個禮拜嘅內容主要係佢同Meter，而阿Nic就係下星期先播出。阿Nic話見到攝製隊，回憶即刻返晒嚟。佢哋話度好咗第二輯要拍關西篇，而家只係等監製答應，山聰笑住話今次等阿Nic開車，佢哋一齊周圍飲飲食食。
登入myTV SUPER mark低《人生美食地圖 - 東京篇》餐廳名單
節目只係啱啱開播，但三位已經收到唔少朋友嘅短訊，要求佢哋分享餐廳資料，阿Nic話正確嚟講係節目宣傳緊已經被人問。山聰話之前喺美國時，每日瞓醒都發現訊息被炸爆，問佢拎整份餐廳資料。Meter話估唔到電視台嘅威力係咁利害，節目一出街，好多好耐冇聯絡嘅親戚朋友都搵佢攞料。
山聰嘅魅力唔只喺華語地區迷倒一眾女仕，仲被Meter大爆喺日本好受中年女性歡迎，兼且不時有人請佢哋食嘢。Meter仲問當地女仕，陳山聰會否有市場？大家嘅反應係「Yeah！」，令山聰笑而不答。