聲夢小花潘靜文工作不斷，佢喺有份主持嘅《香港系列之原味道》中，同搭檔冼靖峰頻頻鬥嘴，睇得觀眾好開心，早前佢仲客串演出長壽音樂劇《我們的青春日誌》，近日又同黃奕斌等前進校園舉行School Tour，不過正所謂”work hard play hard”，再忙都要抽時間放鬆下，日前Sherman就去到主題公園玩，仲上載一系列自拍靚相同大家happy share。
Sherman著住黑色小背心配黑色迷你裙，遊走主題公園擺出各種pose自拍，其中一張以城堡為背景嘅靚相，Sherman大騷白滑長腿，身高172嘅Sherman，逆天長腿加露出小蠻腰，非常吸睛。
另一張差唔多角度嘅相，疑似因為相機低炒嘅關係唔小心走光，Sherman就用黑色心心符號巧妙遮住走光位，但呢粒黑色心心反而令人有無限遐想。
Sherman嘅靚相一出，幾位聲夢老友包括Chantel、Yumi、Aska等都有俾like，而網民亦紛紛留言大讚Sherman越來越靚女。
