《中年好聲音》唱將羅啟豪形象正面，深受大眾歡心，Ramon近日更獲委任為「認證推廣大使」，喺頒授委任狀嘅活動上，大批豪殼現身支持，而一直愛護粉絲嘅Ramon當然要以歌聲報答大家。
首次喺公開場合獻唱劇集歌《有天做證》，Ramon話絕對係一大挑戰，因為歌詞好密，直認被考起，仲話自己個腦轉得唔夠快，記唔到歌詞。早前同豪殼們坐開蓬巴士到隧道口欣賞自己嘅廣告，Ramon話歌迷會不時會諗啲創意活動，畀佢同豪殼一齊玩。
Ramon近日應古淖文邀請玩dance challenge，唔少人欣賞咗條片之後，都鼓勵佢啲跳舞。Ramon話自己一直都想，只係唔敢喺台上跳舞，因為自覺仲未能夠揮灑自如，但係佢已經不停鍛鍊，兼且逼自己跳出舒適圈，喺唔同場合多啲跳舞表演。
