曾製作《法證先鋒》同《宮心計》系列等多部知名劇集嘅監製 梅小青 ，2020年退休後就同金牌監製老公 劉家豪 弄孫為樂，又不時相約好友四出遊歷享受人生，不過星期五晚就驚傳小青姐入院嘅消息。
小青姐喺社交平台Post出於病房中同家人嘅合照，又寫道本來計劃係普通入院身體檢查，最後就突然要接受手術，仲留醫十日，亦不忙感謝醫護人員，又指非常感謝家人嘅陪伴同照顧，自己係世上幸福嘅人，亦如往常一樣樂觀話康復後就會繼續出動咁話。
小青姐同家豪哥雖然已由製作最前線退下火線，不過就係退而不休，早前先齊齊欣賞林峯嘅紅館演唱會、而上月嘅《中年好聲音3》決戰而見到佢哋身影，更三不五時就同各方好友見面飯局，生活非常寫意。
