《愛回家・之開心速遞》嘅成員真係超有愛！每逢節日一定約埋出嚟同觀眾見面派溫暖。劇中演熊爸爸嘅劉丹，因為呢套劇，平白多咗唔少仔仔女女，大家都當佢係親生老豆咁，又尊敬又錫！
6月15號係父親節，《愛．回家》一眾演員就搶先到商場同觀眾預祝呢個大日子。活動前，滕麗名、呂慧儀、湯盈盈、古佩玲、周嘉洛、單立文呢班孝順仔女，仲特登陪丹爺飲早茶，提早慶祝父親節，真係戲裡戲外都咁溫馨！
睇相見到阿滕好精神，仲同劇中個仔「金城安」周嘉洛挨到實一實！話說前一日，阿滕喺社交平台po咗張醫院相，仲鬼馬話：「我揀呢個 Staycation 嘅地方，正唔正先？」相入面，阿滕紮住馬尾瞓病床度玩電話，床邊枱面擺住份午餐，睇落完全冇事！片尾仲仲擺個 V 字手勢，仲留言話：「有啲嘢真係要放鬆啲睇，一兩年就搞掂！明天「愛回家之開心速遞」父親節宣傳見！」睇嚟阿滕今次入院，應該只係做身體檢查。希望阿滕快啲生猛番晒！
