44歲嘅前日本前AV女優 蒼井空 ，曾經憑無數作品風靡亞洲。佢由AV界退役後，一度轉往內地發展，不過自從2018年嫁人息影之後就甚少公開露面，呢日佢難得現身香港出席一個剪綵活動，吸引大批傳媒到場採訪，蒼老師著住紅色Deep V吊帶裙，無論身形或者皮膚狀態都keep得好好，完全唔似兩個小朋友嘅媽咪，佢仲誠意十足用廣東話同大家打招呼。
蒼井空話自從結婚後，已經有好幾年冇出席呢類活動，所以心情好緊張，不過見到現場有咁多人，覺得好開心亦好感動。
蒼老師對上一次來香港已經係12年前，佢話以前到香港都係因為工作，冇太多時間周圍去，所以佢希望今次可以有機會周圍遊覽同品嚐美食，尤其自己特別鍾意港式甜品，等活動結束之後就準備去大飽口福。
雖然蒼老師已經淡出幕前，但依然擁有大批忠實fans，今次可以再出山工作，當然要保握機會同好耐冇見fans近距離接觸，蒼老師話曾經好擔心自己人氣不再，今日見到現場咁多人來支持自己，真係好開心，所以特別舉辦見面會，逐一答謝粉絲嘅主持。