陳山聰 同 邵初 呢日齊齊參與一個廣告拍攝，不過原來佢哋之前完全唔相識，今次屬於首次合作。雖然過往未有合作機會，不過襯到絕現身嘅佢哋，呢日就互戴高帽，又話希望以後有機會喺唔同作品上合作喇。
邵初見到山聰口都震震哋非常緊張，佢就笑指因為睇過對方唔少作品，對山聰非常欣賞所致喎。淡定得多嘅山聰亦都笑邵初怕醜，仲話未見過咁緊張嘅女拍檔呀。
近日山聰有份主持嘅《人生美食地圖 東京篇》播出後唔止令大家口水直流，仲對佢真情流露嘅內容非常受落，不過佢就指當時日食夜食肥咗唔少，拍攝後返港要勤力跑步減磅，更指因為口碑不俗，可能會開拍新一輯為大家介紹其他私藏秘密美食呀。
