手錶品牌推出全新系列，邀請6位香港演藝界傑出女性任宣傳大使，好似不時應邀出席品牌活動嘅 沈月 王丹妮 任晴佳 廖子妤 Serrini 同 Kiri T ，認為佢哋嘅唔同面向與個人風格都同手錶新系列嘅創新目標不謀而合。
沈月呢位時裝界新星，繼承媽媽 邱淑貞 標緻外貌同優雅氣質之餘，亦不斷積極追求多方面發展。最近正學習泰拳嘅佢話：「除咗強身健體，仲可以鍛煉忍耐力。有時會有啲瘀傷，但我嫩喜歡泰拳，因為佢令我變得強大，更從容面對生活挑戰。」
而近年參演唔少電影演出嘅 王丹妮 戲路廣闊，飾演唔同角色都應付自如。由模特兒身份轉戰演員行列嘅Louise，其實自細已習慣跳出舒適圈：「10歲時參加公開繪畫比賽，以前50名入圍決賽。係我第一次踏出舒適區，心入面其實好驚失敗，雖然係咁，但我對繪畫及創作 的熱情絲毫沒有減退。」
作為任達華與琦琦獨女嘅 任晴佳 唔止身形外貌盡得父母真傳，亦為時尚界注入清新活力。Ella指：「細個時我唔鍾意影相，總係會避開相機，又會掩面同瞌埋眼。假如可以回到過去 ， 我會同每位怕醜嘅小朋友講：抬起頭望過嚟吖，您好可愛呀！」
而來自大馬嘅 廖子妤唔止係出色女演員兼模特兒，亦憑藉實力成功躋身娛樂圈佔重要席位。經常到外地工作嘅佢，原來有獨門方法抒解情緒壓力：「每次到外地工作都會帶男朋友襯衫，到酒店後就掛起佢，想像佢喺身邊。獨處時見到就會諗起快樂時光，亦可以減壓。」
至於身為博士嘅獨立唱作歌手 梁嘉茵 唔止學歷高，仲成立獎學金扶持年青人。一向真誠嘅佢積極提倡自強：「我自問係好有能力嘅女性，中學時期首次參加體育比賽，就攞擲鉛球同擲鐵餅冠軍。我知道我一定會成功，花幾多時間都冇問題。」
而作品極受年青人歡迎嘅 Kiri T，14歲就開展音樂事業，為多位著名流行廣東歌手作曲。佢獨到嘅創意同熱情，製作出與眾不同嘅作品，尤其對自我發現、情感困擾等主題有唔少描繪：「其實每次上舞台我都非常緊張，演出前會搵個安靜地方放聲大喊，排解壓力同緊張情緒，即使只係一陣，都可以令我更有信心演出。」佢指疏導情緒非常重要，必須將焦慮化為能量，從而提升舞台表現。