任達華、章子怡、雷佳音、導演陳可辛、林保怡、葉童、黃曉明、張鈞甯、容祖兒等、日前喺上海現身一個大型電影盛典。葉童之前勇敢挑戰參加姐姐選秀節目，唔止成功成為女團成員，仲以62歲之齡獲得年度總冠軍，成為歷屆最高齡嘅總冠軍。
葉童坦言節目令佢有不同啟發，因為有好多即興場面要應付，對佢嚟講要有充足準備，完成節目後佢嘅敏感度的確比以前大大提升。
章子怡主演嘅電影除咗成為盛典嘅年度推薦電影之外，佢同黃渤獲頒影響力電影人榮譽。章子怡話每次參加盛典都好有意義，令佢見識好多演員作品亦勾起好多回憶，每次遇到好角色時都格外珍惜，珍惜每喺片場每一分鐘，擁抱每個角色，永遠期待下一個角色出現，感謝大家支持。
盛典中唔少香港影星亦獲表揚，好似金像影后衛詩雅獲頒年度表現力演員獎，電影《破‧地獄》獲頒年度口碑影片，而林保怡則獲頒年度實力演員獎，Bowie好榮幸得到獎項，對佢來講係一個極大鼓勵。
呢晚大會仲送咗個驚喜俾惠英紅，為從影五十多年嘅紅姐安排致敬環節，令佢有意外收獲。
