據內地消息指，63歲知名演員 馬景濤 於杭州宋城直播演出期間突然暈倒，令現場陷入混亂，直播即時中止。由現場直播影片可見，馬景濤暈倒前曾攙扶主持人肩膀，眼神迷離，隨即向後傾倒，後腦撞到地面發出巨大響聲。
工作人員迅速上台將馬景濤扶起，此時佢恢復部分意識，亦用手按住頭部。同場主持人即時大叫「斷播」，直播亦同時中斷。馬景濤合作公司高層向傳媒透露，初步了解馬景濤係因低血糖暈倒，身體已無大礙。其所在的天心兄弟工作室亦回應稱馬景濤無大礙。
馬景濤自6月18號起就喺杭州宋城演出，他身寫以當年張無忌造型，同扮成「趙敏」、「周芷若」嘅演員互動，更重現佢本人經典嘅咆哮演技，又喺《刀劍如夢》配樂中起舞。
馬景濤當年曾紅遍香港，早於1994年就TVB就引入佢主演嘅台版《倚天屠龍記》，雖然當時正值播映世界盃賽事，此劇仍創下高收視，馬景濤藉張無忌一角成功打入香港市場，仲被封為「師奶殺手」。隨後TVB先後引入多部由佢主演嘅台灣劇集，進一步奠定人氣地位。馬景濤後來更來港發展，為亞洲電視拍攝過劇集，其中《再見豔陽天》最為人印象深刻。馬景濤亦曾為瓊瑤嘅「御用男主角」。自1990年起，先後陸續主演瓊瑤嘅《雪珂》《青青河邊草》以及梅花三弄系列嘅《梅花烙》、《水雲間》等。
