伍富橋 同太太 梁兆楹（Shirley）夫婦都善心爆棚，兩人更非常愛錫小動物！適逢6月23號係Alvin嘅31歲生日，佢同Shirley就決定用一種更有意義嘅方式慶祝，透過一個義工團體，爆肌上陣同三隻流浪狗狗拍攝寫真，希望略盡綿力喚起大眾對獨立義工團體關注。
Alvin撰文分享選擇以全裸方式拍攝寫真原因：「每個人誕生來到這世界時都是一絲不掛，如同所有生命一樣。眾生皆平等。生命沒有高低貴賤之分，無論是人或動物，都理應受尊重。」亦寫下白色狗狗「莎莎」被拯救時發現有疥癬蟲同眼疾問題，更透露Shirley答應全力出錢醫好莎莎嘅病。
為咗影呢輯相，Alvin落咗唔少苦功，亦準備咗三個月，到拍攝前最後一周先確認浪浪可以出席，所以佢先更有決心完全「cut carbs」。最後Alvin多謝老婆支持，令佢可以喺生日做到最想做嘅事：「多謝你安排了這次拍攝，成全了我一直想做的事。多謝你的悉心安排，體諒和鼓勵，多謝你這份生日禮物。」
