陳山聰 嘅寶貝仔 陳霆軒(Jaco) 型仔又可愛，更能歌善舞，雖然只得5歲，但已經收穫唔少粉絲，就連林峯早前都係演唱會上讚Jaco得意！
早前山聰同太太Apple出席Jaco嘅結業禮，見到囝囝得到學校頒發嘅助學獎時，山聰即刻笑到見牙唔見眼，仲話：「真係光宗耀祖！」，亦感嘆時光飛逝，一眨眼Jaco已經K2畢業。
Jaco喺日常生活其實都同爸爸一樣好有時尚觸覺同貪靚，山聰喺社交平台分享Jaco拎起玩具剪刀同梳，扮髮型師為佢剪髮，雖然只係遊戲，但Jaco神情認真，剪得有板有眼，淨係睇相都感覺到山聰有幾冧！而一班網民亦大讚Jaco叻仔，仲話Jaco生得又白又靚仔，完全遺傳曬父母優點。
