不經不覺肥姐沈殿霞已經離開咗大家17年，6月25日係肥姐嘅80歲冥壽，佢嘅好友陳淑芬（陳太），呢日就與兒子陳家豪及肥姐生前好友，到寶福山致祭故友。
陳太特意製作巨型背景板，上面除咗印有卡通版嘅肥姐外，仲有以無數張肥姐經典角色劇照組成嘅「80」數字，而祭台上則放有肥姐生前最愛嘅紫色及粉紅色繡球花，陳太表示：「時間飛逝，轉瞬肥姐已離世17年，始終她是我們最親切的開心果，我希望大家都會記住肥姐的笑聲。」
眾所周知肥姐最牽掛嘅就係佢嘅心肝寶貝女兒 鄭欣宜 ，呢日陳太就專登帶咗多張肥姐與欣宜嘅母女合照，以及欣宜近年嘅獲獎照，向好友匯報欣宜嘅成就，希望故友在天之靈能感到安心與欣慰。
