6月30日係丁子朗28歲生日，繼日前粉絲為佢搞咗個生日會之後，丁丁嘅慶祝活動就好似未停過一樣，見佢喺社交平台po出多張慶祝生日照，就知丁丁嘅人緣有幾好啦！
唔少朋友排住隊同丁丁食生日飯，當然唔少得老best余宗遙等，而喺云云嘅生日蛋糕中，除咗有水果蛋糕、雪糕蛋糕、仲有一個插滿丁丁相片嘅創意蛋糕，不過講到最特別嗰個，一定唔少得網紅暗黑系蛋糕，夠晒酷呀。切蛋糕都切到手軟嘅丁丁，仲鬼馬po文表示：「don’t ask me how old I’m turning」，似乎唔想畀人知佢幾多歲噃，其實丁丁出道9年，都不過係28歲，真係大把青春嘅日子等佢緊佢呀。
