支嚳儀Venus參加《中年好聲音》後同其他戰友一樣知名度大增，出道呢兩年工作不斷，除咗娛樂圈工作仲有家庭，加上要兼顧自己門蛋糕生意，真係少啲魄力都唔得，所以支支都會忙中偷閒令自己快樂一吓。
最近支支罕有喺社交平台大派福利，上載一輯生活照片，支支穿上芥黄色比堅尼Top騷出身材，又坐、又企、又玩沙大擺甫士影相，由陽光燦爛嘅下午玩到黃昏日落，期間仲買咗個Pizza分享，又同朋友一齊飲吓嘢Chill吓，睇得出支支非常Relax，亦有一啲佢去扮靚做Facial素顏嘅畫面。
支支留言話：「終於在忙碌的拍攝、練歌、背稿和阿仔補習的日子裡，抽到一個陽光明媚的日子給自己充盡電！」呢個福利Po旋即獲得「支心人」(支嚳儀粉絲)支持，個個都留言大讚佢好索，非常好看，健康又性感，仲覺得支支一啲都唔似媽媽，反而好有少女風。
支支近日都有份參與節目《大師兄Welcome Summer激戰》，同一眾中聲戰友組隊對決其他藝員嘅隊伍，過程中支支都毫不吝嗇身材大解放，被發掘佢平日禾稈冚珍珠，38嘅佢雖然已經係一孩之母，但依然Keep得好好，身材好有睇頭。
