譚輝智 自《中年好聲音2》後出道短短兩年，已成為旅行社嘅「星級領隊」，先後帶隊到唔同地方旅行。近日FC又再出發，今次仲同高鐵合作，成為首位喺高鐵車廂播放歌曲嘅歌手，以新曲《熱身要在冧低前》為旅客嘅行程伴奏。
出發前往潮州嘅高鐵上，首播輝智本年度頭炮主打歌曲《熱身要在冧低前》，而第一次同粉絲喺車廂聽到自己歌嘅聲，輝智亦坦言：「平時我好驚睇返自己嘅訪問，因為聽返自己嘅聲音覺得好奇怪。今次當然好開心有呢個難忘嘅體驗，同時亦好緊張，因為唔知大家對新歌嘅反應。」
問道如可於高鐵內廣播，有咩說話想同乘客表達時，佢就話：「我唔擅長同大家表達心底裡面嘅感覺，尤其面對面。但一直以來都想衷心感激觀眾同粉絲俾我無限支持，佢地嘅支持帶俾我好大鼓勵，令我更加有動力繼續行落去！」
《熱身要在冧低前》由張佳添作曲、林寶填詞，7月份就會喺各音樂平台上架。輕快旋律加上直白歌詞，輝智期望可以做到多元化音樂路向、嘗試唔同曲風歌曲，將日常生活中遇到嘅壓力坦蕩呈現。正所謂「唔攰到死都唔知自己身體咁柔軟！」
