胡楓、蘇珊、漢洋、譚嘉荃等藝人現身慶回歸音樂會，雖然修哥已經年過九十，不過佢依然精靈，緊貼樂壇動向，仲好鍾意睇演唱會！
修哥開心分享，最近欣賞謝霆鋒、五月天、周杰倫嘅演唱會，享受現場熱鬧氣氛。不過修哥就話自己絕無挑戰申請喺啟德開騷，事關佢考量到粉絲已經上咗年紀，要喺啟德站行去場館好考腳骨力，撞上天氣不佳就麻煩，所以佢唔捨得粉絲受苦。雖然修哥雖然無計劃係啟德開演唱會，但佢透露自己已經入紙紅館，正係等緊審批。
雪妮老公唐佳近日輕生離世，作為唐佳老友嘅修哥亦感到好痛心，而被問到雪妮近況時，修哥就表示唔想多講，只希望雪妮可以健健康康。
