《2023年香港小姐競選》冠軍莊子璇，出道後一直參予不同演藝工作，例如擔任大騷司儀、綜藝節目主持，參演劇集，而歌唱方面，Hilary都甚有興趣，近日佢喺機緣下，孖住同樣甜美嘅鍾柔美拍片唱歌。
兩人揀咗早前爆紅嘅流行曲《至少做一件離譜的事》，佢哋互相接力唱，無論默契定聲線都非常合拍配合，畀人聽出一種訴說故事嘅感覺，亦獲得唔少人留言讚兩位美女人靚聲甜。今次佢哋聯手做出呢件「離譜嘅事」大獲好評，相信佢哋應該會再繼續咁「離譜」落去。
孖鍾柔美做一件離譜的事 莊子璇拍片合唱爆紅流行曲
