王鎮泉 Jeoffrey 每星期為觀眾提供最熱辣電影資訊，中外猛片專訪花絮上映時間全部集齊，「電影泉攻略」個個星期陪你睇新戲。
泉叔日前飛去菲律賓，直擊DC studio嘅兩大聯合CEO， James Gunn同埋Peter Safran，連同新超人David Corenswet以及飾演Lois Lane嘅Rachel Brosnahan等等喺當地展開嘅宣傳之旅首站。講到超人今次重啟，故事線唔會再探索超人起源，直接就係講超人Clark Kent點樣喺佢嘅Kryptonian血統同地球背景之間嘅掙扎，而今次呢個共享宇宙裡面會加入好多DC角色，兼且仲會為之後嘅Super Girl電影，即係《超女》鋪路。
泉叔更與男女主角做專訪，David更分享為角色喺四個月內增磅40磅，推動自己去到重未試過嘅極限，而推動佢去做嘅原因，係飾演前超人角色嘅Christopher Reeve，曾經講過超人唔可以似一條四季豆，所以自己身型都唔可以太瘦。另外，CEO James Gunn亦講到點解今次超人嘅經典紅底褲造型會重現，而觀眾鍾意嘅可愛小狗Krypoto，實際上係參照佢嘅狗狗Ozu而創作，佢亦分享Ozu拆毁佢家居嘅住事。
本周電影新片速遞：
《侏羅紀世界：重生》
侏羅紀最新篇章，講述侏羅紀統治事件發生五年後，剩低恐龍嘅僅存喺赤道附近，當中蘊藏住一種關鍵藥物，能夠為人類帶嚟神奇嘅救命功效。秘密任務專家Zora（施嘉莉祖安遜飾）受命帶領一支精英團隊奪取呢啲基因材料，可惜行動遇盡險阻，大隊遇到掠食性水生恐龍，而同翻船嘅平民家庭，齊齊被困喺一處禁島之上。呢度曾經係侏羅紀公園秘密研究基地，滿佈各種各類嘅恐龍族群，更隱藏住一個埋沒幾十年嘅震驚秘密，不知不覺促使另一個新時代誕生…
今個星期票房龍虎榜：第一位《F1電影》、第二位《馴龍記》、第三位《史迪仔》
