女子組合Beanies新歌宣傳成員5變3 兩成員合約問題離隊交法律處理

近年樂壇多隊女團湧現，部份亦有唔錯成績，好似2023年出道嘅Beanies，就以5人女子美聲之勢組成，出道曲《公主抱》瞬即獲得外界注意，之後又獲邀任Stephy演唱會嘉賓，當年於頒獎禮亦獲不俗成績，出道首年已分別獲唔同電台頒發組合獎項。

持續推出歌曲平穩發展嘅佢哋，去年繼續獲各電台垂青，歌曲排名亦一直往前列邁進，直至今年6月初，成員仍以5人姿態現身十大中文金曲頒獎禮，接受最佳組合銅獎，不過數日之後就傳出其中潘釗彤及黃健怡離隊消息，所屬經理人公司更取消追蹤兩人社交平台，不過離隊成員同官方一直未有公開回應。

事隔一個月，成員張天穎、陳樂頤、李凱翹到電台宣傳新歌時，亦同時確認潘釗彤同黃健怡因為經理人合約問題離隊，目前正處於法律處理階段。