Charlie Puth酒店睇愛回家 短片曝光旋即成網民熱話

電影《狂野時速7》歌曲而人氣急升嘅美國歌手Charlie Puth，正進行世界巡迴演唱會，日前佢啱啱完成咗中國巡唱嘅深圳站演出。完騷後喺酒店休息時，估唔到Charlie Puth嘅休閑活動竟然係喺梳化上收睇處境劇《愛·回家之開心速遞》，佢仲拍片喺限時動態上分享自己煲劇嘅情況。

主唱

Charlie Puth片中電視畫面，剛好就係周嘉洛、姚焯菲、古佩玲、呂慧儀同單立文喺熊家演出嘅戲份。唔少網民見到畫面都非常驚喜，而呢段短片同截圖更旋即成為社交平台同各大討論區熱話，有人好開心自己同Charlie Puth同步睇緊《愛·回家》，又有人話「冇英文字幕喎」，而有幸獲Charlie Puth捧場嘅Chantel，更將自己出現喺Charlie Puth短片中嘅畫面截圖放上網，好好記錄呢個緣份。