曾展望同林俊其兩位求愛勇者喺戀愛真人騷《女神配對計劃》入面呼聲非常高，觀眾都渴望見到佢哋獲葉蒨文同羅毓儀開花結果。節目亦令兩人人氣急升，獲大家關注，GM早前仲同Sophie獲廣告商垂青接拍廣告。
轉數快嘅GM一向興趣多多，除咗熱愛拉丁舞，佢對道教有濃厚興趣，仲考取七品道士資格。平日忙於演藝工作，同時GM都冇放棄道士嘅身份，佢喺社交平台分享自己嘅道士工作相，獲唔少網民讚靚仔、犀利同專業。
至於撞樣王浩信嘅Kris，高大俊朗外型迷得唔少異性芳心，原來佢發現自己亦受同性歡迎，尤其係每當佢同男生朋友影合照時，唔知點解大家都鍾意從後擁抱佢，佢諗極都諗唔明，仲鬼馬留言寫住「下次可不可以是。。。」，不如大家又估吓佢想係被邊位從後擁抱！？
