許懷欣入院做膀胱癌檢查 透露檢查報告一切良好

歌神 許冠傑 嘅大仔 許懷欣Ryan，2018年喺社交平台透露自己患上膀胱癌，並須入院進行切除手術，幸好手術成功。而往後5年內，Ryan每半年都要進行檢查，而佢亦有喺社交平台交代最新健康情況。

Ryan日前再次入院進行膀胱癌檢查，並於11號喺社交平台向fans交代自己嘅健康狀況，Ryan指檢查報告一切良好，佢只需要喺2026年夏天入院做多次囊腫鏡檢查就得，佢喺帖文中仲感謝自己嘅泌尿科醫生，同親切嘅護士們幫助自己，同時Ryan亦提醒大家，如果發現身體有咩唔舒服，就記得盡早去檢查呀。