阮浩棕近年喺劇集同綜藝嘅成績備受認同，年初更奪得「飛躍進步男藝員」，阿Nic作客TVB娛樂新聞台節目《星光路上》接受主播潘盈慧專訪，暢談演藝路。鍾意演出嘅阿Nic一直未獲爸爸讚賞，未入TVB前，爸爸都未曾讚過佢，一直以嚴厲態度看待佢嘅演出，跟媽咪及嫲嫲梁舜燕嘅反應完全相反。
阿Nic話直至劇集《異空感應》出街後，爸爸終於欣賞佢嘅演出，不過佢知道要繼續努力做好，亦感激爸爸嘅鞭策。
講到人稱「上等人」嘅嫲嫲梁舜燕，若果有機會可以同嫲嫲講句說話，會想講乜嘢時，阿Nic哽咽話「放心嫲嫲，我會繼續努力，我曾經話過想大家知佢道妳係我嫲嫲，而唔係我係妳嘅孫。不過我知窮一生都趕唔到佢嘅成就或者成績。」
繼續於演藝路發展，阿Nic想挑戰演喜劇或好人角色，原來佢仲想演年輕單親爸爸，佢話自己有父愛，喺心態上係可以做爸爸，但自己會以事業為先，所以暫時冇諗過幾時會成家立室。
