《2025香港小姐競選》14位入圍佳麗首度會見傳媒，齊齊著上仙氣靚裙行catwalk同自我介紹。大會早前安排各佳麗抽出所屬號碼，入圍佳麗包括：
今年嘅佳麗全部都擁有大學或以上學歷，其中9號Stacey仲係博士生，亦有幾位佳麗畢業於外國名牌大學。佳麗唔止學歷高連顏值都一樣高質，有翻版張曦雯之稱嘅4號嘅Molly，亦有多位混血美女。雖然唔少佳麗係第一次行 Catwalk，但係表現相當淡定，距離8月31號決賽仲有個半月，佳麗們都話要加緊練習，以最佳狀況迎戰。
每位佳麗都有各自嘅難題，有人憂心唔識行catwalk，有啲就擔心口才同急才唔夠，仲有啲佳麗怕唔夠瞓會影響上鏡靚樣，當然仲有年年都有佳麗要面臨嘅減肥問題。另外今年亦有幾位母語非廣東話嘅佳麗，佢地都已把握時間努力學習，而《愛．回家之開心速遞》就成為佢地練習廣東話嘅教學片喇。
今屆參加嘅佳麗相當高質，從面試開始經已備受傳媒關注，有份選出入圍佳麗嘅樂易玲就話相當頭痛，尤其個個高學歷，所以選出最終14位入圍名單都經過好長時間討論先有結果。
