TVB娛樂新聞台前主播 陳詩欣 ，2021年與圈外富貴男友陳爾正成婚後就淡出幕前。婚後積極備孕嘅Eunice，今年情人節宣布，經過多番努力後終於造人成功，並喺7月19日順利誕下囝囝Baby Liam。
Eunice喺社交平台分享喜悅，並上載咗多張相片同片段，分享生B前後嘅過程以及BB誕生一刻，仲有瞓喺手術床上感動落淚嘅珍貴moment ，佢更兩度發文分享榮升做媽媽嘅感受，佢表示: 「親愛的Baby Liam，爸媽終於等到您的來臨，願你永遠健康快樂成長，自由自在無憂無慮，今天終於回家了，爸媽會同你一齊學習，以後多多指教。」
而生完BB翌日，Eunice再次發文談及呢次懷孕至生產嘅奇妙旅程，佢表示：「趁10號風球，個仔又食飽奶，好想分享在醫院五日四夜，生產前，好多人問我緊唔緊張，我真係一點都唔緊張，我好期待好興奮，直到著手術袍嗰一下先覺得終於來了﹗見到BB嗰一刻真係好奇妙，這就是懷胎10個月的寶寶，回想起由第一次ivf失敗到現在這段過程真的唔簡單，抱住bb感覺好感動好又好實在，做了這五天的新手媽媽最大感受，就是覺得天下間所有媽媽真係好偉大，辛苦晒所有媽媽，以後多多指教。」
