由李龍、梁兆明、王志良、梁非同、梁燕飛、梁振文等演出嘅嶄新粵劇《新龍門客棧》於18號首演，汪明荃、尹飛燕、鄧達智、吳思遠導演 及 幕後製作人李惠民等現身捧場。
演出後，吳思遠接受傳媒訪問時，大讚此劇比自己想像中精彩：「真係好難能可貴，每個演員的扮相和演出都非常精彩，尤其是有很多動作，一看便知下了很多功夫，希望粵劇《新龍門客棧》在這三場之後再繼續演，讓多些年青的朋友來看粵劇，讓粵劇有更大發展。」而製作人李惠民導演則建議布景可以加入AI科技，會令整個演出更加豐富。
阿姐亦指今次用電影改編成粵劇好新鮮，同時佢讚演員們都係打得之人，所以喺武打方面非常好睇，整齣劇畀佢嘅印象相當唔錯，事後阿姐仲喺自己嘅社交帳號上為呢齣嶄新粵劇賣廣告。
有份參予演出嘅大老倌李龍，就指好難得武俠片可以重現舞台：「大家好像看到武俠片飛簷走壁，而第一次加入了兵器配音，希望觀眾多加意見，演員努力亦沒有白費心機。」
而喺謝幕時，班主彭美施於台上再次特別多謝導演吳思遠，佢指對方為咗推動傳統文化而無私支持，將《新龍門客棧》以一蚊嘅授權費授權畀佢哋將電影搬上粵劇舞台；另外施姐亦多謝李惠民導演嘅意見，表示希望重演嘅時候可以做到。
