13歲劉宸熙近年由童星搖身一變成為練習生，曾拍多套TVB劇集包括《再見‧枕邊人》、《BB來了》、《痞子殿下》等，佢話好喜歡拍劇體會唔同人生，劉宸熙接受TVB娛樂新聞台節目《StarTalk》分享拍攝點滴，當中佢最難忘喺《BB來了》要應付連場喊戲。
劉宸熙拍《再見‧枕邊人》與張曦雯合作，二人有多場對手戲，佢感謝張曦雯教演戲，又讚張曦雯好。劉宸熙由4歲開始拍廣告及劇集，去年突然獲得機會成為練習生，劉宸熙一度以為係騙局，後嚟得知呢個係好難得嘅機會，劉宸熙開始接受多方面訓練，更準備錄製新歌，劉宸熙指自己視天王劉德華為學習目標。
