車婉婉不時會喺社交平台分享佢同8歲囝囝BBQ嘅親子日常，作為「廿四孝媽咪」嘅婉婉對BBQ疼錫有加，不過為咗訓練囝囝獨立，可以成為真正男子漢，婉婉最近就將BBQ送到廣州黃埔軍校進行7日軍訓。
婉婉喺社交平台分享呢次難忘廣州之行嘅相片，佢就話為咗令BBQ同好朋友仔做好入營準備，一行人提早一日到廣州享受腳底按摩，第二日食完早餐，就送兩位小朋友入營。婉婉感恩廣州天氣唔係太差，冇影響小朋友入營。
雖然只係同BBQ分開咗2日，婉婉就已經忍唔住思念之情，喺文中表示：「希望BBQ先生繼續訓練順利，聽聽話話，MaMa 會好掛住你，為你祈禱。」更話出發前晚上，自己寫咗三封信俾生活老師，由老師轉交囝囝，寫嘅時候更一邊寫一邊眼濕濕。婉婉仲話，呢次唔只係BBQ嘅學習機會，亦都係自己一個寶貴經驗，大家要齊齊走出Comfort Zone，小朋友學習自己照顧自己，學習有紀律生活，自己要學習捨得，學習Let Go，信任BBQ。
