蔡潔（Jacky）喺戲劇世界演活不同角色，而佢喺現實就係才女一名！Jacky今年推出第四本個人作品，亦係佢第二本漫畫書。呢次Jacky同漫畫家曹志豪再度合作，更成功得到政府資助。
Jacky最難忘嘅係接受著名漫畫家馬榮成先生嘅面試，即使事前知道會見咩評審，但自己心情仍然緊張，最後要拎出平時接受訪問嘅勇氣先順利完成面試。
Jacky呢次就小試牛刀負責畫新書封底，而佢就好欣賞拍檔嘅畫功，事關曹志豪神還原出Jacky日常神態同打扮，佢仲將Jacky提供嘅一張兒時同爸爸嘅合照畫出嚟！Jacky指當年自己同爸爸去Road trip時感到唔舒服，所以嘔到周身都係，爸爸就除咗件外套俾佢著，所以呢個被畫入書中嘅造型，真係充滿回憶。
Jacky希望透過故事令大家明白唔好俾外界聲音影響到自己，而喺書中都有好多真實源自佢生活嘅元素以作紀錄。除咗同爸爸嘅相處同感情，仲有已過世嘅貓貓被畫入書中，用呢個方式埋藏自己嘅情意結。
