謝婷婷宣布B仔出世貼一家四口相 Mathew細心照顧大曬幸福

謝霆鋒細妹謝婷婷喺2019年生咗女兒Sara後，長居加拿大生活，至今從未提及女兒的生父身份。婷婷早前公開與外籍有米型男Mathew戀情，今年5月公布再度懷孕，原來婷婷喺7月20號順利生B，阿仔叫Brooklyn Milne，B仔重3.63kg。

婷婷今日喺IG貼出多張近照，當中有一張見Mathew開心接阿仔出院，相信婷婷目前喺屋企坐緊月，佢開心稱：「Now a family of four. Mixed doubles forever.（現在一家四口。永遠都是混雙）」婷婷由讀書時期一向係網球健將 ，佢呢胎懷孕34周時，仍有參加比賽繼續打網球，更輕鬆擊敗對手，估唔到連公布喜訊都離唔開網球！

婷婷未有分享阿仔Brooklyn Milne嘅正面相，每張相都係半塊面，B仔頭髮濃密、面仔脹卜卜，熟睡個樣亦非常可愛，而Mathew亦細心照顧阿仔，可見婷婷一家四口，十分幸福。