早前來港參與亞洲電影大獎仲擔任大使嘅 藤岡靛 近日於網上公開當時為旅發局拍攝嘅香港宣傳片，對香港非常熟悉嘅佢，仲留言寫道：「一杯凍檸茶，少甜唔該 ！」非常地道。其實如今成為日本演藝圈中流砥柱嘅Dean，2000年代就係喺香港出道。
Dean夜美國大學畢業後到處旅行，2004年來港後參加Rap比賽時因緣際會被邀請入行，之後曾同 陳冠希 參演《勞斯．萊斯》MV演出，曾稱當年入行係為生存嘅佢，更曾居於灣仔劏房難怪佢極接地氣喇。
後來Dean轉往台灣發展，參與好似《轉角‧遇到愛》、《不良笑花》等偶像劇演出大受歡迎，之後更「逆輸入」到日本演藝圈，參與唔少知名戲劇演出，最近亦同殿堂級演演員寺尾聰合作。
Dean唔止事業發展經過唔少海外市場，就連感情生活亦一樣，佢與喺雅加達生活嘅華裔女友拍拖4年後成婚，後公開誕下一對龍鳳胎，2016年再誕一子，仲不時會公開一家人恩愛相片，當地演藝圈對私生活極保護習慣嚟講非常罕見。
不時需要周圍飛嘅Dean，於各地演藝圈都結交唔少好友，好似來港就會同 梁朝偉 劉嘉玲 見面，到台灣亦會相約 吳建豪 聚舊，相識遍天下。
