去年受盡注目嘅台慶劇《新聞女王》，Man姐 佘詩曼 搶獨家再惡鬥四方八面攻擊，而新一輯《新聞女王2》早前正式開拍，一眾演員認真研究圍讀劇本後，轉個眼新劇已經完成拍攝，團隊上下更齊齊參與慰勞宴慶祝。
各位主要成員亦簡略分享新一輯故事，當中新加入嘅Bosco上次結局現身，已經預示佢會同Man姐係對頭人，佢仲叫大家記住留意住點樣折磨Man姐呀。另外又見到夏文汐加入成為新成員，硬朗外表照估計都應該唔係善男信女喇。
而 李施嬅 王敏奕 鄧智堅 龔慈恩 蔣祖曼 阮嘉敏 吳業坤 同 涂毓麟 都有透露少少蛛絲馬跡，大家不如又齊齊化身成記者，一齊研究新一輯嘅故事發展啦。