新手媽媽鬼鬼青春裝扮無違和感 透露女兒表情多多被笑聲融化

鬼鬼 吳映潔 今年1月突然宣布誕下女兒做咗單親媽媽，鬼鬼復工積極投入工作賺奶粉錢，呢日佢同新生代女歌手 陳華 齊齊出席品牌活動。雖然已為人母，但鬼鬼依然可以輕鬆carry青春無敵嘅裝扮，佢話自己一身裝扮好似囡囡妹子嘅放大版，佢都好希望妹子大個之後可以復刻自己嘅造型，影一張兩母女嘅對比相。

妹子遺傳咗媽咪鬼鬼嘅古靈精怪，半歲人仔已經表情多多，而且開始會俾好多反應，例如尖叫、對人笑、眯眯眼等，佢話妹子依家好鍾意玩一啲刺激遊戲，一同佢玩佢就會哈哈笑，次次聽到囡囡嘅笑聲，都有一種被融化嘅感覺，愛女之情溢於言表。