高海寧 近日剛剛先完成《新聞女王2》嘅演出，再次扮演完許詩晴嘅佢煞科後，就即接受廣告商邀請拍攝廣告，而高媽媽亦有陪住近年拼博努力嘅寶貝女開工，仲被大會送上驚喜生日祝賀。
一向視家人為生活最優先嘅高Ling，因為媽咪生日遇著要工作，於是就帶埋父母一齊到廣告拍攝現場開工，廣告商亦非常貼心為高媽媽安排生日蛋糕慶祝，一家三口拍低溫馨合照，高Ling仲標記搞笑Hashtag，指自己同媽咪有「同款雙下巴」。
雖然演藝工作非常忙碌，不過高Ling就不時都心繫家人，重要日子都會盡量同家人共聚一齊慶祝，早前仲特別安排父母到大馬補影婚紗相，於濱城著名景點姓氏橋拍攝，達成父母同自己嘅心願。
