BIG FOUR 嘅紅館演唱會仲有十幾日就舉行，四子嘅練兵亦進入最後階段，呢日佢哋就喺二千呎嘅排舞室度練舞，而張衞健相信會喺四子中嘅難度擔當，佢仲預告會挑戰林峯招牌嘅椅子舞。
Dicky仲講話只需要提供一個廁所比佢練就得喎，安仔爆Dicky為咗表演林峯櫈，特別訂製咗一把「張櫈」，Dicky仲話包保呢次嘅演出，一定會帶比樂迷驚喜同新鮮感呀。
另外四子亦有特別環節一齊做樂器演出，四子合奏嘅表演咁多年嚟都只係做過兩次，所以佢地都相當期待，Edmond仲話呢次嘅演出，同以前絕對係好唔同，而鬼馬嘅Dicky仲提議安仔，到時可以考慮著旗袍上陣添。
