唱作女新人 RIIANA 正式簽約娛樂公司成為歌手出道，第一首派台新歌將於8月1日推出，RIIANA四年前隻身到北京現代音樂學院修讀聲樂，立志要做唱作人，學成後嘅佢將Demo寄去不同唱片公司，最終獲得取錄成為歌手，令佢夢想成真。
RIIANA首支單曲經10個月調整先出爐，歌曲對佢嚟講義意重大，創作呢首歌時佢只係22歲，歌唱老師知道曲風時都非常錯愕，覺得佢難以駕馭呢首歌，後來RIIANA憑住堅持同良師指導下先有現時效果。
仲有幾日就正式出道嘅RIIANA未感壓力，反而覺得公司對住自己壓力更大，因為自己諗法比較多，難免令大家工作量增加。佢仲笑言試過同經理人傾到凌晨5點，所以都好多謝公司嘅團隊。
首支個人歌曲即將面世，RIIANA話會將最真誠嘅內心世界公諸於世，但同時又好擔心自己做得未夠好。佢又話暫時計劃今年會推出3首全唱作新歌，未來亦會以自己創作的音樂為主，期待可以推出個人創作大碟。而佢所屬公司同時有電影事業，所以RIIANA可以話近水流樓台先得月，獲公司安排嘗試製作電影配樂，佢盲好開心有更多機會實踐喇。
RIIANA仲話非常欣賞香港創作歌手Gareth. T（湯令山），如果有機會都想一齊創作，因為未來都計劃創作廣東歌，亦希望同樂壇唔同創作人合作。