李蘊 Renee 呢日專程由廣州返港，以愛心大使身份出席嚟緊慈善賣旗日啟動禮。由於當日撞正係Renee嘅正日生日，所以大會特別準備咗生日蛋糕及禮物為其慶祝。
大會除咗邀請咗李蘊 同 李紫僖 擔任愛心大使外，活動仲特別邀請咗梁繼璋及前健美運動員賴維茵 Ivy 擔任大會司儀。同場出席嘅仲有林偉、剛宣布成準人夫嘅王致狄、劉天龍、梁凱榳、蕭麗芠、莊殷玥及形象指導許嘉浩Karl等。
專程同仔女請兩個鐘假由廣州快閃回港嘅Renee，話覺得生日正日做善事特別有意義，所以即使再忙都趕返港出席，而活動後Renee隨即返回廣州與家人及閨蜜慶祝。佢又指雖然最近忙錄新歌同宣傳，但都把握時間安排親子時間：「今次同佢哋遊覽唔同地方，仲有古色古鄉嘅古鎭之旅。囡囡一向好貪靚，好鍾意著公主服同民族服，又成日自動照顧細佬。大家都影咗好多好靚嘅相，有好好嘅回憶。」Renee仲冧爆表示收到細仔親手寫嘅生日咭，而大女同媽媽則送上親手編織嘅手繩作禮物。
呢次返港出席活動，Renee話最驚喜嘅係見到由組合Cream年代就開始支持自己嘅歌迷會會長，同埋跟隨自己十多年嘅fans都有嚟到現場，仲為佢唱生日歌及切蛋糕慶祝，令佢份外感動。
