視后林夏薇 同從商嘅老公 莫贊生 2015年成婚，之後即入住月租半百萬嘅山頂豪宅。雖然早已化身少奶奶，不過薇薇仍繼續努力工作，又同步發展飲食同珠寶生意，努力身兼演員同女強人。早前雖然突被入稟破產幸轉頭又獲撤銷，而薇薇月中亦如常繼續慶祝生日，近日更約埋一眾好友慶祝成婚10周年。
薇薇於網上公開同老公 莫贊生 老友 梁靖琪 譚俊彥 佘詩曼 仲有 陳山聰 一齊慶祝嘅圖片，又寫道：「結婚10周年！錫婚快樂 風雨同路！多謝兄弟姊妹有緣陪伴」。
雖然早前遇到外界風波，不過薇薇仍全心投入工作，上周仲於廣州舉行音樂會，更獲 陳展鵬 襄助擔任嘉賓。而慶祝完結婚周年嘅佢，仲會飛往大馬投入綜藝節目拍攝工作，今次更係佢第一次參與真人騷節目呀。
