周嘉洛喺TVB處境劇《愛．回家之開心速遞》飾演金城安，深受大人同小朋友歡迎，噚晚佢再次扮「子珊」，更與蔥頭大跳貼身熱舞，觀眾大讚周嘉洛最尾嗰part跳舞超正。
周嘉洛今日貼出與化妝師嘅合照，指「子珊」靚妝就係出自對方之手，佢又話係最後一次扮子珊，佢寫道：「 last time playing 子珊，if you like the make up， it’s because of carol， if you like 子珊 ，you have a problem（如果你喜歡呢個妝容，係因為Carol，如果你喜歡子珊，那你就有問題了）」
林凱恩喺社交平台曬與周嘉洛扮女人嘅合照，貼出八年前嘅舊照，網民讚佢哋Keep得好：「一不小心便過了8年的我和他/她✨ 在帥氣的現任和艷麗的前度面前 Bonnie 還是適合當個踏實的素人編劇比較好🤭 Are you ready for the show??」 林凱恩笑指「佢個妝貼過我」。
唔少網民叫周嘉洛唔好放棄子珊，仲話「鍾意看你扮子珊」，另有網民紛紛留言，「救命，同阿爸笑到！超大聲，超鍾意子珊」、「你扮子珊的女裝扮時，真是靚過很多真女仔呀」！
