陳庭欣笑稱未能打破羅樂林紀錄 楊明爆莊思明愛睇殺人奇案片

張振朗 陳庭欣 楊明 莊思明 呢日拉隊現身首映禮，振朗早前與姚子羚以螢幕CP開騷，當日感觸落淚，振朗自認眼淺經常要強忍淚水，講到佢生日正日遇著打風，振朗話親友一齊喺屋企打機同打邊爐，自己都好喜歡宅喺屋企。

陳庭欣早前列出自己一日「亮相」TVB六次，佢笑稱未能打破前輩羅樂林紀錄，陳庭欣睇番2017年同2025年嘅自己，佢覺得自己保養算好。

楊明同女友莊思明呢晚拍拖睇戲，楊明爆女友愛睇殺人奇案嘅片，睇人點分屍同棄屍嗰啲，楊明笑指自己好危險，若果有兩集《愛·回家之開心速遞》唔見咗佢，大家幫幫手搵吓佢。