全新旅遊節目《玩轉粵東粵北懶人包》好快就會同大家見面，呢日 薛家燕 羅天宇 黃美棋 何沛珈 關楓馨 冼靖峰 就一齊宣傳，現場仲率先公開節目宣傳片。佢哋帶大家到訪梅州、普寧、清遠、河源同汕尾等地點，為大家揭開好食好玩之處。
家燕姐唔止話呢次行程有如女王出行一樣，仲指雖然行程緊密，更不斷嘆美食搞到增磅返港。Archie亦被拍檔爆密食當三番，個人鯨吞整碟雞，不過佢就解釋話只係試真啲味道，但係家燕姐就話佢胃口最好喇。
美棋同Joey仲因為一個飄流之旅成為「生死之交」，原本以為非常悠閒嘅旅程，點知變成急流之旅，最後一齊驚住捱過呢段刺激歷程呀。
《玩轉粵東粵北懶人包》8月4號起 星期一至五晚 22:30 翡翠台