顏米羔夥好友梁思傑活動鼓勵孩童 新歌近埋尾階段電影即將開拍

Fans們不時都會以偶像名義辦唔同活動，好似 顏米羔 嘅一眾Fans，呢日就舉行慈善嘉年華，鼓勵小朋友追夢，米羔同老友 梁思傑 仲帶埋家人一齊參與，連顏媽媽同幾位長輩都有參與，米羔仲即場為小朋友打氣，鼓勵大家可以天馬行空呀。

而身為兩孩之父嘅思傑，就同在座家長分享，希望大家都比空間小朋友自由發揮，就算知會撞板都可以稍為放手呀。唱歌之餘，現場亦有唔少攤位，米羔見到小朋友就心心眼，仲話非常享受同小朋友玩樂。

佢又話新歌同電影都正製作中，新戲更係即將正式開拍，希望大家見到作品後會有驚喜同新鮮感咁話。