沈月參觀大熊貓繁育研究基地 無緣親親熊貓唯有攬公仔合照

有最美星二代之稱嘅 沈月Ayla ，不時會同家人一齊去旅行，七月初佢哋一家就去咗希臘同地中海等地，熱愛攝影嘅沈日仲喺社交平台分享咗唔少旅行照。

同家人享受完假期後，沈月隨即投入工作，早前佢就應手錶品牌邀請，到成都出席主題腕表展開幕，活動前佢仲去咗唔少成都著名景點打卡，之後仲去咗大熊貓繁育研究基地參觀。雖然呢次去熊貓基地，沈月就未有機會同啲熊貓近距離接觸，不過佢都隔住塊玻璃幫啲熊貓影咗唔少靚相，之後又攬住佢哋嘅毛公仔合照，相信有唔少fans都想變成沈月懷中嘅熊貓公仔，畀女神攪住影相呀。