竇靖童 早前公佈佢嘅《狀況外》世界巡迴演唱會最後一站，將定於10月初喺香港舉行，優先訂購當日1分鐘內就全數售罄，而今日(7月31日)門票就會公開發售，估計又會掀起一陣搶飛潮。
經過內地、美國、大馬等地十多站演出，好快巡迴就會到最後一站，童童就一貫淡然指未會不捨，仲以廣東話形容呢次巡迴係一個好好嘅經歷，仲話：「希望喺香港見到你哋」。
香港係童童藝術生涯嘅起點，而巡迴選擇以香港作尾站，就係佢以音樂回應嘅感謝，至於問到香港站特別安排時，佢就賣關子話：「That's a surprise！你哋嚟睇啦。」更提到人生第一首聽嘅廣東歌，就係媽咪王菲 當年大紅嘅《愛與痛的邊緣》，唔知到時童童又會唔會現場為香港觀眾演唱呢？
童童面對訪問時，有如媽咪當年一樣直接，佢回應點樣將生活態度融入音樂時話：「我冇諗咁多喎，我鍾意做音樂啫。」簡單道出對音樂態度。