7月30號係 溫碧霞 正日生日，一向寵妻嘅老公 何祖光 日前就喺中環一個畫廊為Irene舉行私人生日派對，就連喺美國讀書嘅囝囝何國倫（Xavier）亦專程回港為媽媽慶祝生日。
為咗令老婆有難忘一日，Kenny花咗唔少心思請專人布置場地，用氣球同鮮花做裝飾，又訂製靚靚生日蛋糕，送上開心生日俾女神太座。
壽星女Irene全晚都好開心，不停同賓客影相留念。往年Irene都會一家三口飛往峇里慶祝生日，而今年就選擇留港慶祝，佢就話：「今年正日生日好想陪伴家人度過，今晚會同家人一齊食生日飯。」
Irene表示今年收到好多個生日蛋糕，由月初已開始食生日飯，食足一個月！講到生日願望，Irene就話：「天下太平！人人身體健康！」
